Plantun de Prouvènço

Pèr coumpara dos planto d'encò nostre

Lemna trisulca & Bufonia perennis

Lentiho-d'aigo(-en-crous)

Lemna trisulca

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule à trois lobes.

Descripcioun :
Aquesto lentiho-d'aigo que se vèi soulamen dins li canau de la valado dóu Rose e di plano de coustiero, trachis en coulounìo gaire sarrado e souvènt entre dos aigo. Pòu pas engana emé si "fueio" en crous que i'a rèn que ié sèmblo. Li foundo peréu soun bijarro qu'an coume de pecou que tenon sus rèn.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 6 à 12 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Jun à setèmbre

Liò : Aigo - Ribiero
Estànci : Mesoumediterran
Couroulougi : Subrecousmoupoulito
Ref. sc. : Lemna trisulca L., 1753

Boufonìo(-renadivo)

Bufonia perennis

Caryophyllaceae

Nom en français : Buffonie vivace.

Descripcioun :
Aquesto pichoto planto renadivo emé uno souco lignouso, pulèu raro, trachis dins li roucaio, esboudèu e sus li roucas. Fai de mato. Coume tóuti li Bufonia a quatre sepalo e quatre petalo, e quatre o vuech estamino. Pèr l'ouro se destrìo uno poupulacioun en basso Prouvènço que vèn sus cauquié, e uno autro en Prouvènço séusouso que vèn sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Bufonia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 4
Ø (o loungour) flour : 2 à 3 mm
Flourido : Printèms - Estiéu

Sòu : Ca (Si)
Autour basso e auto : 100 à 600 m
Aparado : Noun
Jun à juliet

Liò : Tepiero roucaiouso - Esboudèu - Roucas
Estànci : Mesoumediterran à Subremediterran
Couroulougi : Estenoumediterrano-Nord-Ouèst
Ref. sc. : Bufonia perennis Pourr., 1788

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lemna trisulca & Bufonia perennis

ges

Coumpara Lentiho-d'aigo(-en-crous) emé uno autro planto

Coumpara Boufonìo(-renadivo) emé uno autro planto